करायला सोप्पं , कमी वेळखाऊ आणि सगळ्यांना आवडणारा भाताचा प्रकार म्हणजे जिरा राईस . पण तो सुटसुटीत झाला आणि चवीला छान लागला तरच मजा
जिरा राईस करण्याच्या २ पद्धती आहेत
एक म्हणजे उकळत्या पाण्यात तांदूळ घालून ८०% शिजवून पूर्ण निथळून घेणे
किंवा
तांदूळ भाजून त्यात गरम पाणी घालून भात शिजवणे
हि रेसिपी तांदूळ भाजून शिजवून केलेल्या जिरा राईस ची आहे .
तळलेल्या कांद्याच्या रेसिपीसाठी इथे क्लीक करा .
साहीत्य :
१/२ किलो मोठा बासमती तांदूळ
जिरे
तेल , मीठ
२ लवंग, १/२ इंच दालचिनी
कृती :
१. तांदूळ धुवून त्यातील पाणी काढून १/२ तास तसाच ठेवा .
२. एका भांड्यात ४ चमचे तेल गरम करा .
३. त्यात जिरे , लवंग , दालचिनी घाला .
४. धुतलेला तांदूळ घालून पूर्ण भाजून घ्या . तांदूळ पूर्ण भाजला की तो सुट्टा आणि हलका होतो .
५. तांदळाच्या दीड पट गरम पाणी घाला .
६. चवीनुसार मीठ घाला .
७. भाताला मोठ्या आचेवर एक उकळी येऊ द्या आणि गॅस मंद करा आणि झाकण लावून द्या .
८. साधारण ५ मिनिटात भात शिजेल .
९. सर्व्ह करताना वरून तळलेला कांदा आणि चिरलेली कोथिंबीर घाला .
तळलेल्या कांद्याच्या रेसिपीसाठी इथे क्लीक करा .
~ अमृता ..
No comments:
Post a Comment