१० पैकी ८ जणांना आवडणारी , कमी जिन्नस लागणारी , स्वादिष्ट , करायला सोपी , आणि झटपट होणारी म्हणजे अंडा भूर्जी .
आता तिला भूर्जी म्हणा , बुर्जी म्हणा , अंड्याची भाजी म्हणा किंवा मग आमच्यासारखं अंड्याचा गबरा म्हणा ...काहीही म्हणा .
ती सगळ्या नावात तुमचं पोट तृप्त करेल आणि जिभेचेही चोचले पुरवेल .
आणि सगळ्यात महत्वाचं म्हणजे
संडे हो या मंडे ..... रोज खाओ अंडे :)
सगळ्यांच्या घरी हा पदार्थ वरचेवर बनत असला तरी प्रत्येकाची करण्याची पद्धत थोडीफार वेगळी आणि त्यामुळे चवीत बराचसा फरक .
म्हणून आपल्यापैकी लोकांना गाड्यावरची भुर्जी आवडते .
तर ही तुमच्या आवडीची गाड्यावरची अंडा भुर्जी
साहित्य :
५ अंडी ( खडकी / गावरान असतील तर ६ किंवा ७)
३ मोठे कांदे बारीक चिरून
१ टोमॅटो बारीक चिरून
फोडणीसाठी तेल
हळद , मीठ , लाला मिरची पावडर
लादी पाव
कृती :
१. फोडणीसाठी २ ते ३ मोठे चमचे तेल घालावे .
२. तेल गरम झाल्यावर त्यात बारीक कापलेला कांदा घालून पारदर्शक होई तोवर भाजावा .
३. बारीक चिरलेला टोमॅटो घालावा .
४. तो पूर्ण शिजे तोवर हलवत राहावे .
५. १/४ चमचा हळद घालावी .
६. चवीनुसार मीठ व १ मोठा चमचा लाल मिरची पावडर घालावी .
७. सर्व एकजीव हलवावे .
८. लाल मिरची पावडर घातल्यावर आच मंद करावी अथवा ती करपते .
९. ५ अंडी फोडून त्याच्या आतील भाग घालून कवच टाकून द्यावी .
१०. मिश्रण एकजीव करावे .
११. बुर्जी पूर्ण भाजेतोवर मोठ्या आचेवर एकसारखी हलवत राहावी .
१२. आवडत असल्यास शेवटी बारीक चिरलेली किथिंबीर वरून घालावी .
तळलेली मिरची आणि भाजलेल्या पावासोबत गरम गरम बुर्जी सर्व्ह करावी . शक्यतो वापरावे
~ अमृता ..
No comments:
Post a Comment