दही बुत्ती / Dahi Butti / Curd rice

खूप वेळा घर शिळा भात उरतो आणि मग त्याचं नेमकं काय करायचं हा प्रश्न पडतो . दहीबुत्ती हा एकदम छान उपाय आहे शिळ्या भातासाठी . खरतर बरेच लोकं  यासाठी ताजा भात वापरतात पण भात जर कालचा असेल तर हा छान होतो आणि शिळेपणाही रुचकर होतो :)

साहित्य
२ वाट्या भात
१ वाटी दही
१/२ वाटी थंड दूध
तेल , जिरे , लसूण पाकळ्या , वाळलेली लाल मिरची, कढीपत्ता,  मीठ , साखर ,
सजावटीसाठी किसलेले गाजर

 कृती
१. भात जर ताजा वापरणार असाल तर तो थोडावेळ ताटात पसरून थंड करून घ्यावा .
२. भातात १/२ कप थंड दूध एकत्र करावे
३. फोडणीसाठी तेल गरम करून घ्यावे.
४. त्यात जिरे , बारीक चिरलेला लसूण ,  वाळलेली लाल मिरची, कढीपत्ता घालावा .
५. फोडणी गॅसवरून उतरवून घ्यावी व त्यात दही घालून चांगले हलवून घ्यावे
६. चवीप्रमाणे मीठ आणि साखर घालावी .
७. एकत्र केलेला दूध भात घालावा व मिश्रण गॅसवर २ मिनिट गरम करून घ्यावे
८. सर्व्ह करताना वरून किसलेले गाजर घालावे .

~ अमृता ...