दोडका म्हणजे कुणाचाही लाडका नसलेला असं समीकरणच झालाय जणू . फार कमी लोकांना दोडक्याची भाजी आवडते . आणि भाजी करतेवेळी दोडक्याच्या सोलून काढलेल्या शिरांना नेहमीच फेकून देण्यात येत . पण याच शिरा वापरून आपण खूप चवीष्ट चटणी बनवू शकतो . खरंच ....
साधी सोप्पी पटकन होणारी दोडक्याच्या शिरांची चटणी
साहित्य :
मूठभर शेंगदाणे
५ हिरव्या मिरच्या (संख्या तिखटपणाप्रमाणे घ्यावी )
४ लसूण पाकळ्या मध्यम आकार
कोथिंबीर
मीठ आणि १ चमचा लिंबाचा रस
कृती :
१. तापलेल्या पॅन मध्ये २ चमचे तेल घालून दोडक्याच्या शिरा , शेंगदाणे , लसूण , मिरच्या भाजून घ्याव्या .
२. थंड झाल्यावर सर्व साहित्य एकत्र करून त्यात चवीनुसार मीठ आणि १ चमचा लिंबाचा रस घालावा
३. मिक्सरमधून एकदम बारीक वाटून घ्यावे .
४. चपाती/ पराठा सोबत खाण्यास ही चटणी छान लागते आणि टिकते ही आठवडाभर
~ अमृता ..
No comments:
Post a Comment