साहित्य
१ मोठा कांदा पेस्ट
१ टोमॅटो पेस्ट
१ चमचा आले लसूण पेस्ट
२ चमचे खवा
१ चमचा दही
लाल मिरची पावडर , मीठ,हळद , गरम मसाला
६ ते ७ काजू
१ मोठा कप वाफवलेले मटार दाणे (वाटाणे )
पाणी
जिरे
कृती
१. १ मोठा कांदा घेऊन मिक्सरमध्ये पेस्ट करावी . १ टोमॅटोची पेस्ट करावी . ६ ते ७ काजू ची पाणी घालून पेस्ट करावी
२. कढईत तेल गरम करावे . त्यात फोडणीस जिरे घालावे .
३. कांदा पेस्ट घालून भाजून घ्यावी . कांदा भाजला कि टोमॅटोपेस्ट , हळद घालावी व मिश्रण तेल सुटे तोवर भाजावे
४. १ चमचा आले लसूण पेस्ट घालावी व परतून घ्यावी
५. वरील मिश्रणात काजूची पेस्ट घालावी. जास्त वेळ काजू पेस्ट भाजू नये . भांड्याला चिकटून करपते
६. त्यात लाल मिरची पावडर , मीठ, गरम मसाला घालून परतून घ्यावे
७. एक कप पाणी घालून उकळी आणावी .
८. यानंतर घातलेला खवा या भाजीला वेगळी चव आणतो . (खवा उपलब्ध नसेल तर २ मोठे पेढेही चालतात )
९. मसाला चांगला शिजवून घ्यावा . आणि मग २ कप वाफवलेले मटार घालून २ मिनिट झाकून ठेवावे
१०. भाजी पूर्ण शिजत अली की १ चमचा दही घालावे . दही फारसे आंबट नको .
११. ही भाजी मसाल्यासहीत असल्याने चपाती व भात दोन्ही सोबत सर्व्ह करू शकता .
~ अमृता ...
No comments:
Post a Comment