मसाला टोस्ट / Masala Toast

संध्याकाळी बागेतून खेळून आल्यावर या आपल्या बच्चे कंपनीला खूप भूक लागते . 

पण पोळी भाजीला आधीच लाल सिग्नल मिळालेला असतो . 

मग डोक्यात चक्र सुरु होतात . आज काय बनवून ठेवायचं संध्याकाळसाठी .  

मसाला टोस्ट हा लहान मुलांना पटकन आवडेल असा पदार्थ . 

आणि आईलाही खूप वेगळं काही नाही करावं लागत. 

मग आई ही खुश आणि मुलंही 

साहित्य :

बटाट्याच्या stuffing  साठी 

२ बटाटे उकडून 

१ इंच आल्याची पेस्ट 

१ कांदा बारीक चिरून 

२ हिरव्या मिरच्या वाटून 

फोडणीसाठी तेल , हिंग, हळद 

चवीनुसार मीठ , साखर 

टोस्ट साठी 

२ व्हाईट ब्रेड 

बटर 

हिरव्या  चटणीसाठी 

१ वाटी कोथिंबीर निवडून धुवून 

२ लसूण पाकळ्या 

२ हिरव्या मिरच्या 

१ चमचा लिंबाचा रस 

मीठ 

४ ते ५ पुदिन्याची पाने धुवून  

खजूर चिंचेची गोड चटणी 

कृती:  

हिरव्या चटणीची कृती : 

१. १ वाटी कोथिंबीर , सोललेल्या २ लसूण पाकळ्या ,२ हिरव्या मिरच्या,१ चमचा लिंबाचा रस , पुदिन्याची पाने आणि चवीनुसार मीठ घालून मिक्सरमधून वाटून घ्यावे 

२. वाटताना गरज पडली तरच पाणी घालावे 

३. हिरवी चटणी घट्ट झाली तर टोस्ट ला लावताना सोपी जाते . 

४. खजूर चिंचेची गोड चटणी कृतीसाठी इथे क्लिक करा . 

बटाट्याचे stuffing :

१. २ बटाटे कुकरमधून उकडून घ्यावे . 

२. थंड झाल्यावर सोलून मॅश करून घ्यावे .

३. १ इंच आले आणि हिरव्या मिरच्या वाटून घ्याव्या . 

४. १ कांदा बारीक कापून घ्यावा . 

५. फोसणीसाठी गरम करत ठेवलेल्या तेलात जिरे घालावे . 

६. तडतडल्यानंतर कांदा घालून २ मिनिट भाजून घ्यावा . 

७. हळद , हिंग , वाटलेले आले मिरची घालून १ मिनिट परतून घ्यावे . 

८. मॅश केलेलं बटाटे घालून मिश्रण एकजीव करून घ्यावे .   

९. २ मिनिट मंद आचेवर शिजू द्यावे . 

मसाला टोस्ट : 

१. दोन्ही बाजूस बटर लावून २ व्हाईट ब्रेड  नॉनस्टिक पॅनमध्ये भाजून घ्यावे 

(टोस्टर असल्यास पॅनवर भाजण्याची गरज नाही . ब्रेडमध्ये बटाट्याचे मिश्रण आणि चटणी भरून टोस्टरमध्ये ठेवावे . )

२. भाजलेल्या एका ब्रेडवरहिरवी चटणी पसरून घ्यावी . 

३. त्यावर बटाट्याच्या भाजीचे मिश्रण चमच्याने भरून घ्यावे . 

४. त्यावर कांद्याचे २ पातळ गोल अखंड काप ठेवावे . 

५. भाजलेला दुसरा ब्रेड त्यावर ठेवून दाबून बसवावा . 

६. सर्व्ह करताना हे मसाला टोस्ट पुन्हा एकदा तव्यावर गरम करावे . 

७. ब्रेडला मधून कापून त्रिकोणी आकार द्यावा . वरून थोडी बारीक शेव घालावी . 

८. खजूर चिंचेच्या  गोड चटणी सोबत किंवा टोमॅटो सॉस सोबत घरं गरम खायला द्यावे .  

खजूर चिंचेची गोड चटणी कृती साठी इथे क्लिक करा . 

टीप :

 घरी बटाट्याची पिवळी भाजी खूप उरली असेल तर ती मॅश करून टोस्ट मध्ये भरली तरी चालते 

~ अमृता ..