कच्च्या कैरीचे पन्हे / Kairi panhe / Raw Mango Juice for summer

अक्षयतृतीयेच्या निमित्ताने  हळदी कुंकवाचा कार्यक्रम होता . चैत्रागौरीच हळदी कुंकू म्हटलं की कैरी पन्हे आणि आंबे डाळ हे अगदी खूप जुनं समीकरण आहे . 

हे कैरी पन्हे म्हणजे करायला सोपे , कमी वेळ खाऊ , प्यायला  खूपचं  आल्हाददायक आणि उष्मा  कमी करणारे .... 

म्हणून या उन्हाळ्यात नक्की करून पहा कैरी पन्हे  .....

 कैऱ्या पिकण्याच्या आधी  :P 

आंबे डाळ च्या कृतीसाठी इथे क्लिक करा . 

साहित्य :

७ ते ८ कच्च्या कैऱ्या
१ वाटी किसलेला गूळ
३ ते ४ वेलदोडे
१/२ लिंबाचा रस

कृती :

१. कैऱ्या स्वच्छ धुवून घ्या . देठाची बाजू सुरीने गोल कापून देठ काढून टाका.
२. कुकरमध्ये पाणी घालून ४ शिट्ट्या देऊन कैऱ्या उकडून घ्या . कैऱ्या उकडण्यासाठी कमी पाणी घालावे अन्यथा पन्हे पांचट होते .
३. उकडलेल्या कैऱ्या थंड झाल्या कि सोलून सालं बाजूला काढावी .
४. हाताने पिळून गर काढून घ्या . सालीला लागलेला गर चमच्याने काढून घ्या .
५. १ वाटी गूळ किसून घ्या .
६. कैरीचा गर , गूळ  आणि वेलची मिक्सरमधून पूर्ण पेस्ट होईतोवर फिरवून घ्या . उकडताना वापरलेले पाणी कुकरच्या भांड्यात शिल्लक असेल तेच मिक्सरमध्ये वापरावे .
७. मिक्सरमधून काढलेले मिश्रण एकदा गाळण्याने गाळून घ्या . म्हणजे त्यात कोणताही घट्ट भाग राहणार नाही .
८. कैरी पाण्याचे हे जाडसर मिश्रण बाटलीमध्ये भरून फ्रिजमध्ये ठेवल्यास हवे तेव्हा वापरता येते .
९. प्यायला घेताना १/४ पेला घट्ट कैरीचे पन्हे आणि ३/४ पेला थंड पाणी एकत्र ढवळून २ थेंब लिंबाचा रस घालून घेणे .

टीप :

१. आवडीनुसार आणि गुळाच्या गोडीनुसार गुळाचे प्रमाण कमी जास्त करू शकता .
२. करी पन्ह्याच्या कैऱ्या या जास्त आंबट असाव्यात .
३. जर कैऱ्या आंबट नसतील तर आंबटपणासाठी १/२ लिंबाचा रस घाला .

Ingredients:

7 to 8 raw mangoes
1 cup grated jaggery
3 to 4 green cardamoms
1/2 lemon... It's  juice

Recipe:

1. Clean the raw mangoes.
2. Add water to the cooker . Cook raw mangoes in cooker for 15 minutes. Pour less water to boil the cooker.
3. After cooking , let mangoes get cold. Peel them.
4. Squeeze with hands and remove a mango pulp.
5. Mix 1 cup jaggery in mango pulp.
6. Take mango pulp, jaggery and cardamom into grinder. Use water from cooker to make its fine paste.
7. Filter mixture to remove hard and big pieces from.it.
8. Keep thick mixture of raw mangos juice in the bottle and keep in the refrigerator . Use as n when you want.
9. Take 1/4 glass of raw mango juice thik mixture and mix 3/4 cup cold water and add 2 drops of lemon juice.

Raw mango juice is ready to drink.

~ अमृता ..