चहासोबत घेण्यास एकदम नमकीन आणि खुसखुशीत . याचा आकार कारल्यासारखा असल्याने याला नमकीन करेला असही म्हणतात
साहित्य :
१ कप मैदा (मी गव्हाचे पीठ वापरते.)
२ मोठे चमचे बेसन (ऐच्छिक)
जिरा पावडर
धने पावडर
लाल मिरची पावडर
काली मिरी बारीक करून
हळद(ऐच्छिक)
ओवा
मीठ
तळण्यासाठी तेल
कृती :
१. एका भांड्यात मैदा ( किंवा गव्हाचे पीठ) , बेसन आणि जिरा पावडर, धने पावडर,काली मिरी बारीक करून ,हळद(ऐच्छिक), ओवा चवीनुसार मीठ हे सर्व साहित्य एकत्र करून घ्यावे .
गव्हाचे पीठ वापरल्यास चंपाकळी लालसर होतात . मैद्याने पांढरट होतात .त्यामुळे मैदा वापरल्यास उत्तम .
२. त्यात २ चमचे गरम तेल घालावे (खुसखुशीत होण्यासाठी )
३. आवश्यक तितके पाणी घालून पीठ घट्ट मळून घ्यावे .
४. झाकून १५ मिनिटे भिजत ठेवावे .
५ . मळलेल्या कणकेचे लिंबापेक्षा लहान आकाराचे सामान गोळे करून घ्यावे .
६. पातळसर पान लाटून घ्या.
७ . एक सेंटीमीटर अंतरावर सुरीने उभ्या चिरा करून घ्या . चिरा करताना कडा कापल्या जाणार नाहीत याची काळजी घ्यावी .
८. फोटोमध्ये दाखवल्याप्रमाणे दोन्ही बाजू दुमडत रोल करत आणावा .
९. शेवटची काप आतल्या बाजूस दाबून चिकटवावी.
१२. मंद आचेवर सोनेरी रंग येईतोवर तळून घ्यावे . (मोठ्या आचेवर तळल्यास मऊ पडतात आणि आतून कच्चे राहतात . )
१३. टिश्यू पेपरवर काढून घ्यावे .
टीप : आवडत असल्यास गरम असतानाच वरून बारीक मीठ चाट मसाला भुरभुरावा.
~ अमृता ..
