ओनियन रिंग्स / Onion rings

बालगीतातल्या ओळींप्रमाणे पिंजलेला काळा कापूस खरंच एखाद्या संध्याकाळी आभाळभर पसरून जातो . वाऱ्याने जोर धरला की खापरीवर टप टप आवाज सुरु होतो ...अगदी एका लयीत आणि मग त्या लयीचा वेग वाढतच जातो ... टपटपणारा धो धो कोसळायला लागतो . 

मातीच्या धुंद वासासोबत अंगावर शहरे उठवणारा गारठा जाणवायला लागतो आणि मग कुठेतरी उभंडार , गरमा गरम खवास वाटतं . 

वाफाळणाऱ्या चहासोबत एक प्लेट भजी , वडे यांच्या कुटुंबातील एखादा पदार्थ समोर मिळाला तर पावसाची मजा अजूनच वाढते . 

मग नेहमी नेहमी कांदा भजी करून झाल्यावर काहीतरी नवं चवीला मिळावं असं जेव्हा वाटत तेव्हा हे ओनियन रिंग्स उत्तम 

महाराष्ट्रीयन चव असणारा अमराठी पदार्थ .... ओनियन रिंग्स     

ओनियन रिंग्स हा कांदे भजीसारखाच प्रकार आहे . 

पद्धत थोडी वेगळी आणि सोप्पी आहे  . 

साहित्य :

१ मोठ्या आकाराचा कांदा
२ चमचे रवा
१ वाटी बेसन (चणा डाळ पीठ )
चवीनुसार मीठ
लाल मिरची पावडर
१/४ चमचा हळद
१/२ चमचा खायचा सोडा (ऐच्छिक )

कृती :

१. कांदा मध्यभागी अशा रीतीने आडवा कापावा की नंतर त्याच्या अखंड गोल चकत्या काढता येतील .
२.  कांद्याचे पातळ गोल काप काढावेत.
३. प्रत्येक कापमधील चकत्या एकमेकांपासून विलग काढून घ्याव्यात .

पीठ तयार करण्याची कृती :

१. एका मोठ्या भांड्यात बेसन काढून घ्या .
२. त्यात २ चमचे रवा , हळद , लाल मिरची पावडर , मीठ , खाण्याचा सोडा घालावा .
३. अंदाजे १/२ कप पाणी घालून पीठ घट्टसर भिजवून घ्यावे .
४. यात घातलेला रवा भिजण्यासाठी पाह्त १० मिनिट ठेवून द्यावे .

तळण्याची  कृती :

१. एका भांड्यात १ कप तेल गरम करावे . तळण्यासाठी तेल पूर्ण काढलेले हवे अन्यथा रिंग्स मऊ पडतात .
२. विलग करून घेतलेल्या कांद्याच्या  चाकात्यांपैकी एक चकती पिठात उरण बुडवावी .
३. ती चिमट्याने उचलून काढलेल्या तेलात घालावे .
४. दोन्ही बाजूने व्यवस्थित टाळून घ्यावे .
५. जादाचे तेल काढण्यासाठी टिशू पेपरवर ठेवावे .
६. टोमॅटो सॉस किंवा आवडीच्या चटणीसोबत सर्व्ह करावे.

Ingredients:

1 large sized onion
2 tablespoon semolina
1 cup gram flour (Chana Dal flour)
Salt to taste
Red chilli Powder
1/4 tsp turmeric powder
1/2 spoon bread soda (optional)

Recipe:

1. cut onion in such a way that you can make its round shape slices.
2. Make thin round slices of onion.
3. Separate each layer slice from each other.

How to make covering batter :

1. Take gram flour in a large bowl.
2. Add 2 spoons of semolina, turmeric powder, red chili powder, salt and a soda.
3. Add approximately 1/2 cup water and mix it. 4. Keep aside for 10 minutes.

Frying Onion Rings:

1. Heat 1 cup of oil in a bowl. The oil should be completely heated, otherwise the rings will not become crispy.
2. Dip onion slice in batter.
3. Deep fry from both sides
5. To remove excess oil, place tissue on paper.
6. Serve with tomato sauce or chutney.

~ अमृता ..