चिकन, मटण शिजवण्याची पद्धत / How to cook chicken , meat

साहित्य :
१/२ किलो चिकन / मटण 
१ कांदा बारीक चिरून 
मीठ गरम पाणी 
तेल 
आले लसूण पेस्ट 

दही 

कृती :

पांढऱ्या रस्श्याच्या रेसिपीसाठी इथे क्लीक करा .

चिकन शिजवण्याची कृती

१. चिकन स्वच्छ धुवून घ्या .
२. त्यात १ वाटी दही , २ चमचे आले लसूण पेस्ट घालून एकत्र हलवा .

मटण शिजवायचे असेल तर त्याला दही लावून मॅरीनेट करण्याची गरज नाही . स्वच्छ धुवून कांद्यात फोडणी घाला . बाकी कृती सारखीच .



३. हे मिश्रण १ तास मुरण्यासाठी ठेवूं द्या .
४. १ तासानंतर चिकन शिजवण्याच्या भांड्यात फोडणीसाठी तेल गरम करून घ्या .



५. त्यात १ बारीक चिरलेला कांदा घालून २ मिनिट परतून घ्या .
६. मॅरीनेट केलेलं चिकन घालून हलवून घ्या .
चिकन फोडणी घालताना हळद वापरायची नाही . आपल्याला रस्सा पांढरा हवाय .



७. आवश्यक तितके मीठ घालून हलवा  .
८. झाकणी लावून मंद आचेवर शिजत ठेवा .(शक्यतो झाकण्यासाठी खोलगट ताट वापरावे . त्यावर पाणी ठेवता येईल आणि वाफेवर आतील चिकन शिजेल ).  मिठामुळे चिकनला पाणी सुटेल . याच पाण्यात चिकन शिजू द्या .
९.  चिकनला सुटलेले पाणी संपले की मग ताटावर गरम करत ठेवलेले पाणी अर्धी वाटी चिकन मध्ये ओता .



१०. पुन्हा झाकलेल्या ताटावर पाणी भरून ठेवा.
११. जोवर चिकन शिजत नाही तोवर ते तटावरच्या गरम पाण्याने शिजवा
चिकनमध्ये एकदम सगळे पाणी ओतू नये . अर्धा वाटी पाणी संपल्यावर मगच पुढील पाणी ओतावे . चिकन लवकर शिजते आणि हाडांचा सूप चांगला येतो .
12. चिकन / मटण शिजल्यानंतर त्यातील फोडी बाजूला काढून घ्या .



१३. फोडी  बाजूला केल्यानंतर शिल्लक राहिलेले सूप पांढरा , तांबडा रस्सा बनवण्यास वापरा .  

पांढऱ्या रस्श्याच्या रेसिपीसाठी इथे क्लीक करा .

मटण शिजवायचे असेल तर त्याला दही लावून मॅरीनेट करण्याची गरज नाही . स्वच्छ धुवून कांद्यात फोडणी घाला . बाकी कृती सारखीच . 

टीप :
मटण शिजण्यास जास्त वेळ लागत असेल आणि शिजून हवे तितके मऊ होत नसेल तर शिजताना सुपारीचा तुकडा टाकावा . 

साधारणपणे लाल रंगाचे मटण शिजण्यास उशीर लागतो .  

~ अमृता ..