रगडा पुरी चाट / रगडा चाट / Ragda Poori Chaat / Ragda Chaat

१ प्लेटसाठी रगडा पुरीसाठी साहित्य :

८ पाणी पुरीच्या पुऱ्या 

पाणी पुरीच्या रेसिपीसाठी इथे क्लिक करा . 

१ कांदा बारीक चिरून 

१ टोमॅटो बारीक चिरून 

१ वाटी बारीक शेव 

कोथिंबीर बारीक चिरून 

१ बटाटा उकडून 

१ वाटी चिंच गुळाची गोड  चटणी 

चिंच गुळाची गोड  चटणीच्या रेसिपीसाठी इथे क्लिक करा .  

रगडा बनवण्यासाठी लागणारे साहित्य : 

१ कप पांढरे / हिरवे  कडक वाटाणे 

चवीनुसार मीठ 

१/४ चमचा हळद 

१/२ चमचा लाल मिरची पावडर , गरम मसाला 

१ लसणाची पाकळी 

१/२ चमचा लिंबाचा रस

१/२ कांदा उभा चिरून   

रगडा बनवण्याची कृती : 

१. १ कप पांढरे / हिरवे कडक वाटाणे रात्रभर पाण्यात भिजत घालावे . 

२. भिजल्यानंतर पाण्यातून उपसून घ्या . 

३. वाटण्यात १/४ चमचा हळद आणि चवीनुसार मीठ घालून  कुकरमध्ये ४ शिट्ट्या करून वाटणे उकडून घ्या . 

४. एका भांड्यात फोडणीसाठी १ चमचा तेल गरम करा .

त्यात लसणाची पाकळी ठेचून घाला . १/२ चमचा लिंबाचा रस घाला .

५. उकडलेले वाटणे घाला . 

६. १/२ चमचा गरम मसाला आणि लाल मिरची पावडर घाला . 

७. गरंज पडल्यास १/२ चमचा साखर घाला . 

८. मध्यम आचेवर उकळी काढून  घ्या . 

  

रगडा पुरी : 

१. एका प्लेटमध्ये पाणी पुरीच्या पुऱ्यांचा चुरा करून घ्या . 

उकडलेल्या बटाटा मॅश करून वर घाला  .  

२. त्यावर २ मोठ्या पळ्या गरम गरम रगडा घाला . रगड्याने पुऱ्या पूर्ण झाकल्या गेल्या पाहिजे . 

३. चिरलेला कांदा आणि टोमॅटो पसरून घ्या  .

४. १ पळी चिंच गुळाची पातळ चटणी पसरून घ्या . 

५. बारीक शेव पसरून घ्या . 

६. वरून चिरलेली कोथिंबीर घाला .

~ अमृता ..   

पाणी पुरीच्या पुऱ्या / Golagappa Poori / Pani Poori / Puri with step by step pictures

साहित्य :

१ कप रवा
२ चमचे मैदा / गव्हाचे पीठ
चवीनुसार मीठ
सोड्याचे पाणी / साधे पाणी
बेकिंग पावडर १/४ चमचा
 तळण्यासाठी तेल

कृती :

१.  कप रवा, मैदा, मीठ  आणि बेकिंग पावडर कोरडे एकत्र करून घ्या .
२.  गरजेनुसार  सोड्याचे पाणी / साधे पाणी  थोडे थोडे घालत मळून घ्या .

३. मळताना रवा हाताने दाब देऊन मऊ करून घ्यावा.
४. मळलेला रव्यावर ओले कापड झाकून  १/२ तास ठेऊन द्या .
५. अर्ध्य तासाने करवंदाइतके लहान गोळे करून घ्या .
खालील फोटोमध्ये आकाराचा अंदाज येण्यासाठी बाजूला मोठी लसूण पाकळी  ठेवली  आहे .

६. पातळ पुऱ्या लाटून घ्या . पुऱ्या लाटताना लाटण्याला आणि पळपाटाला तेल लावून घ्या . कोरडे पीठ लावू नये .

७. लाटलेल्या पुऱ्या ओल्या कापडाने झाकून घ्या .
८. एका मोठ्या भांड्यात पुऱ्या बुडतील इतके तेल कडकडीत गरम करून घ्या .
९. तेल कडल्यानंतर गॅस बंद करा .
१०. एक एक पुरी चमच्याने दाबून तळून घ्या . चमच्याने दाबल्याने ती फुगून येईल .
मोठ्या आचेवर तळल्यास पुऱ्या थंड झाल्यावर नरम पडतात . पुऱ्या कडक राहण्यासाठी मंद आचेवर / गॅस बंद करून गरम तेलात तळाव्या .
११. थंड झाल्यावर हवाबंद डब्यात भरून ठेवा .
१२. ह्या पुऱ्या ८ दिवस वापरता येतात .

टीप :
पुऱ्या थंड झाल्यावर नरम झाल्यास ओव्हनमध्ये १०० डिग्री टेम्परेचर ला १० मिनिटे  ठेवाव्या . कडक होतात .  
~ अमृता .. 

दही वडा / Dahi Vada / North Indian Dahi Bhalle

साहित्य :

१ १/२ कप उडीद डाळ 

२ १/२ कप पाणी 

मीठ 

तळण्यासाठी तेल

साखर 

२ मोठे बाउल दही 

जिरा पावडर 

लाल मिरची पावडर 

कोथिंबीर बारीक चिरून 

चिंच गुळाची गॉड चटणी 

खजूर चिंचेच्या गोड चटणीच्या  रेसिपीसाठी इथे क्लीक करा . 

कृती :

 १. १ १/२ कप उडीद डाळ स्वच्छ धुवून २ १/२ कप पाण्यात  ६ तास भिजत ठेवा . 

२. ६ तासांनी त्यातील नाही काढून मिक्सरमधून पेस्ट करून घ्या .
३. चवीनुसार मीठ घाला .

४. एका भांड्यात तळण्यासाठी  तेल गरम करा .
५. तेल पूर्ण तापले की त्यात चमच्याने वडे सोडा . लहान चमच्याच्या मागच्या बाजूने तेलात सोडलेल्या वड्याला मध्यभागी गोलाकार भोक करून घ्या .
६. सोनेरी रंगाचा होईतोवर वडा दोन्ही बाजूनी तळून घ्या .

७. तळलेले वाडे टिशूंपेपरवर काढून घ्या . जास्तीचे तेल  टिशूंपेपरमध्ये ओढले जाईल.
८. एका भांड्यात १/२ कप पाणी घेऊन त्यात १/२ चमचा साखर आणि चवीनुसार मीठ घालून विरघळून घ्या.
९. तळलेले वडे थंड झाले की या पाण्यात घालून १० मिनिटे भिजू द्या .

१०. १० मिनिटं नंतर बोटानी हलके दाबून जास्तीचे पाणी काढून घ्या .

 

दही वड्यासाठी लागणारे दही :

  

१. एका मोठ्या भांड्यात २ बाउल दही काढून घ्या . 

२. त्यात चवीनुसार मीठ , ३ चमचे साखर , १/२ चमचा जिरे पावडर घाला . 

३. १/२ कप पाणी घालून दही चांगले फेटून घ्या . 

४. फ्रिजमध्ये १/२ तास ठेवून थंड करा . 

खजूर आणि चिंचेची गोड चटणी तयार करून घ्या .

खजूर चिंचेच्या गोड चटणीच्या  रेसिपीसाठी इथे क्लीक करा . 

दही वडा कसा वाढावा ? 

१. एका मोठ्या बाऊलमध्ये तळला २ पळी दही घालून घ्या . 

२. त्यावर पाण्यातून पिळलेले ३ वडे ठेवा .

३. त्यावर पुन्हा २ पळी दही घाला . 

४. वरून १ मोठा  चमचा  चिंच गुळाची गोड चटणी घाला . 

५. त्या वरून लाल मिरची पावडर भुरभुरा . 

६. सजावटीसाठी वरून कोथिंबीर पेरा .   

~ अमृता .. 

दही मिरची / Curd chillies

साहित्य :

२ मोठे कांदे उभे चिरून
२ हिरव्या मिरच्या उभ्या चिरून
३ चमचे दही
मीठ
फोडणीसाठी तेल
१/४ चमचा हळद

कृती :

१. २ मोठे कांदे उभे चिरून घ्या . फार पातळ काप करू नका अन्यथा करपतात .
२. २ हिरव्या मिरच्या मधून उभ्या चिरून घ्या. मिरच्या शक्यतो तिखट असाव्यात .
३. फोडणीसाठी भांड्यात तेल गरम करा .
४. त्यात चिरलेल्या मिरच्या आणि कांदा घाला .
५. मध्यम आचेवर वाफेवर (पाणी न घालता ) भांड्याला झाकणी लावून कांदा नरम होईतोवर शिजवा .
शिजवताना थोड्या थोड्या वेळाने झाकणी काढून कांदा हलवून घ्या अन्यथा तळाला चिकटून करपतो .  
६ . १/४ चमचा हळद घालून परतून घ्या .
कांदा शिजण्याआधी हळद घालू नये . तो शिजण्यास लागणार वेळ जास्त असल्याने हळद करपू शकते .
७. ही  फोडणी पूर्ण थंड होऊ द्या .
८. थंड झाल्यानंतर त्यात २ चमचे दही आणि चवीनुसार मीठ घालून घालून हलवून घ्या .
९. भाकरीबरोबर खायला दही मिरची छान लागते

~ अमृता ..  

व्हेजिटेबल रवा इडली/ इन्स्टंट रवा इडली / Vegetable Rawa Idli / Instant Rawa Idali with step by step pictures

साहित्य :

१ कप साधा रवा
१/२ कप आंबट ताक
आवश्यकतेनुसार पाणी
मीठ
१ इंच आले किसून
गाजर , कांदा , टोमॅटो बारीक चिरून
१/४ चमचा खायचा सोडा
१/२ हळद ऐच्छिक
कोथिंबीर , हिरवी मिरची
१/४ कप फ्रोझन मटार

कृती :

१ कप साधा रवा , १/२ कप आंबट ताक आणि चवीनुसार मीठ घालून एकजीव करा .
२. आवश्यकतेनुसार पाणी घालून इडलीच्या पिठाइतके घट्टसर पीठ करून घ्या .

३. त्यात बारीक चिरलेला कांदा , टोमॅटो , कोथिंबीर , हिरवी मिरची घाला .

४. १/४ कप फ्रोझन मटार घाला .
५. हे मिश्रण 1/2  तास भिजण्यासाठी ठेवून द्या .

६. १/४ चमचा खायचा सोडा घाला .
८. इडली पात्रात तळाला १ १/२ पाणी घाला ,
९. इडली पात्राच्या स्टँडच्या प्रत्येक खोलगट भागाला  (जिथे इडली करतात ) बोटांनी तेल लावून घ्या .
 इडली पात्राच्या स्टॅण्डमध्ये हे रव्याचे मिश्रण घाला .

१०. मध्यम आचेवर इडली पात्र ठेवून त्यावर झाकणी लावा .
११. ५ मिनिटांनी इडली पूर्ण वाफवल्यावर स्टॅन्ड बाहेर काढा .
१२. चाकूच्या टोकाने इडलीच्या कडा सोडवून घ्या .
१३. इडलीच्या तळाला खोलगट चमचा घालून हलकेच इडली उचलून घ्या .
१४. खोबरीच्या चटणीसोबत खायला द्या .

~ अमृता ..

कडधान्यांचा सँडविच रोल / Sprouts Sandwich Roll with step by step pictures

साहित्य : 

१/२ कप मोड आलेले कडधान्य (मूग , मटकी आवडीनुसार )
१/२ कांदा , १/२ टोमॅटो, बारीक चिरून
 किसलेली काकडी
१/४ चमचा हळद , हिंग , चवीनुसार मीठ
२ ब्रेड चे स्लाइस
१ चमचा टोमॅटो सॉस
१ चमचा हिरवी चटणी

कृती :

१. आपल्या आवडीनुसार कोणतेही कडधान्य  ८ तास भिजत घालावे.
२. भिजलेले कडधान्य पाणी निथळवून ८ तास सुटी कापडात बांधून त्याला मोड येऊ द्या .
३. या मोड आलेल्या कडधान्याला हिंग मिठाची हळद घालून फोडणी घाला .
४. फोडणी थंड झाल्यावर त्यात बारीक चिरलेला कांदा,  टोमॅटो, काकडी घालून एकत्र करा .
५. २ ब्रेडचे स्लाइस घेऊन त्याच्या कडा कापून घ्या .



६. ब्रेडचा उरलेला मधला भाग लाटण्याने लाटून घ्या .
७. त्यावर१ चमचा हिरवी चटणी  ,  टोमॅटो सॉस पसरून घ्या .

 

८. कडधान्याचे वरील प्रमाणे फोडणी घातलेले मिश्रण ब्रेडवर पसरून घ्या .
कांदा , टोमॅटो, किसलेली काकडी पसरून घ्या .



९. त्याचा रोल बनवून घ्या .


१०. गरम तव्यावर बटर लावून हा रोल सर्व बाजूनी भाजून घ्या .
११. चटणीसोबत गरम गरम खायला द्या.



टीप :
शिल्लक राहिलेली मटकी उसळ ही वापरू शकता .

~ अमृता ..   

रवा उपमा / उपीट / Rawa upama / Upit

साहित्य :

१ कप रवा
१ १/२ कप गरम पाणी
१ चमचा तूप
१ मोठा कांदा बारीक चिरून
१/२ टोमॅटो बारीक चिरून
१ इंच आले किसून
३ हिरव्या मिरच्या बारीक चिरून
कोथिंबीर बारीक चिरून
१ चमचा भिजलेले उडीद
२ चमचे भाजलेले शेंगदाणे
फोडणीसाठी तेल
जिरे १ चमचा
१/४ चमचा हिंग
मीठ चवीनुसार  
सजावटीसाठी
खोवलेले ओले खोबरे
बारीक शेव
फ्रोझन मटार (ऐच्छिक )

कृती :

१. गरम तव्यावर मध्यम आचेवर  रवा खरपूस भाजून घ्या .
रवा भाजताना तव्यावर तेल घालण्याची गरज नाही . भाजताना तो एकसारखा हलवत राहणे गरजेचे आहे अन्यथा तव्याला चिकटून करपू शकतो .  
२. एका भांड्यात रव्याच्या दीडपट पाणी गरम करून घ्या .
३. कढईत फोडणीसाठी २ चमचे तेल गरम करा .
४. तेल गरम झाले की त्यात १ चमचा जिरे घाला .
५. चिरलेला कांदा , टोमॅटो , हिरवी मिरची , कढीपत्ता घाला .
६. कांदा पारदर्शक होईतोवर भाजून घ्या . टोमॅटोचा ही कच्चेपणा जाऊन तो नरम झाला पाहिजे .
७. किसलेले आले , फरोझल मटार घाला, भिजलेली उडीद डाळ घाला .  .
८. भाजके शेंगदाणे लाटण्याने बारीक करून घाला . मिक्सरमधून बारीक केल्यास खूप पूड होते . आपल्याला फक्त त्याचा अख्खेपणा मोडायचा आहे .
९. १/४ चमचा हिंग, चिरलेली कोथिंबीर  आणि चवीनुसार मीठ घाला .
१० आता या मिश्रणात भाजलेला रवा घाला . २ मिनिट पुन्हा सर्व जिन्नस एकावर भाजून घ्या .
११. त्यात रव्याच्या दीडपट घरं पाणी घाला .पाण्याचे प्रमाण जास्त झाले तर उपमा चिकट होतो . पाण्याचे प्रमाण कमी झाले तर उपमा कच्चा राहतो .
१२. माध्यम आचेवर कढईवर झाकणी लावून शिजवून घ्या .
१३. १ चमचा तूप सोडा .
१४.  गरम गरम उपम्यावर किसलेले ओले खोबरे आणि बारीक शेव घालून सर्व्ह करा .

~ अमृता .. 

राजमा / Rajama with step by step pictures

साहित्य : 

१ वाटी राजमा 

२ मोठे कांदे 

२ मोठे टोमॅटो 

१ लवंग , १/२ इंच दालचिनी , १ तमालपत्र 

१ चमचा आले लसूण पेस्ट 

१ चमचा  लाल मिरची पावडर 

१ चमचा धने जिरे पावडर

१/४ चमचा हळद 

चवीनुसार मीठ 

१/२ चमचा साखर 

१ चमचा बटर , तेल  

कृती : 

१. १ वाटी राजमा ८ तास पाण्यात भिजवावा . 

२. त्यांनतर ४ शिट्ट्या करून कुकरमधून शिजवून घ्यावा .

३. २ मोठे कांदे आणि टोमॅटोची मिक्सरमध्ये पेस्ट करून घ्या .  

४. एका मोठ्या भांड्यात फोडणीसाठी १ चमचा तेल गरम करा . 

५. त्यात जिरे , लवंग , दालचिनी , तमालपत्र घाला .

६. कांदा  टोमॅटोची  पेस्ट घालून त्याला तेल सुटेतोवर भाजून घ्या .

७. १/४ चमचा हळद घाला . 

८. १ चमचा आले लसूण पेस्ट घालून भाजून घ्या . 

९. त्यात १ चमचा लाल मिरची पावडर , गरम मसाला , धने जिरे पावडरआणि चवीनुसार मीठ  घाला. 

१०. मसाला पूर्ण भाजला कि मग त्यात शिजलेला राजमा घाला . 

११. राजमा मसाल्यासहीत शिजण्यासाठी तो कुकरमध्ये शिजल्यानंतर शिल्ल्लक राहिलेले पाणी वापरा . 

१२. १/२ चमचा साखर घाला . 

१३. जिरा राईस सोबत किंवा रोटीसोबत गरम गरम राजमा सर्व्ह करा .  

~ अमृता .. 

व्हेजिटेबल पुलाव / Vegetable Pulao

साहित्य : 

२ वाट्या अख्खा बासमती तांदूळ
१ चमचा जिरे
१ मोठा चमचा तेल
१ इंच दालचिनी
२ लवंग
१ तमालपत्र
२ हिरवे वेलदोडे
चवीनुसार  मीठ
१ गाजर
१/ २ कप वाटण्याचे दाणे
१ शिमला मिरची
कोथिंबीर चिरून

कृती : 

१ . बासमती तांदुळ धुवून पाणी निथळून घ्या . १/२ तास भिजण्यास ठेवून द्या .
२. एका मोठ्या भांड्यात फोडणीसाठी १ मोठा चमचा तेल गरम करा .
३. त्यात जिरे , लवंग , दालचिनी , तमालपत्र , वेलदोडे घाला .
४. गाजर आणि शिमला मिरचीचे चोथे उभे काप घाला .
५. १/२ कप वाटण्याचे दाणे घाला .
६. बासमती तांदूळ घालून पूर्ण हलका होईतोवर भाजून घ्या .
७. तांदळाच्या १ १/२ पट गरम पाणी घाला .
८. चवीनुसार मीठ घाला .
९. मोठ्या आचेवर एक उकळी काढा .
१०. नंतर हा पुलाव माध्यम आचेवर शिजवा .
११. पुलाव पूर्ण शिजला कि भातावर हात दाबल्यास बोटाना चिकटयाचा बंद होतो .
१२. १/२ चमचा तूप घाला .
१३. चिरलेली कोथिंबीर घालून हलकेच हलवा . पुलाव हलवताना त्याची शिते मोडणार नाहीत याची काळजी घ्या .

~ अमृता ..

घराच्या घरी लसूण पनीर / Homemade Garlic Flavour Paneer with step by step pictures

साहित्य :
१ लिटर दूध
१ चमचा लिंबाचा रस / १ चमचा व्हिनेगर
१ पेला साधे पाणी
४ पेले थंडगार पाणी
१/२ चमचा किसलेले लसूण  (ऐच्छिक)

कृती :

१. १ लिटर दूध एका मोठ्या भांड्यात पूर्ण उकळून घ्या .

२. उकळलेले दूध गॅसवरून उतरून घ्या .
३. त्यात १ चमचा लिंबाचा रस / १ चमचा व्हिनेगर आणि १/२ चमचा किसलेले लसूण  घालून हलवून घ्या .
४. ३ ते ४ मिनिटे हलवत राहा . दूध पूर्ण फाटून पाणी आणि घट्ट फटाके दूध वेगळे दिसू लागेल .

५. एका स्वच्छ सुती  कापडात हे मिश्रण ओता .
६. १ पेला पाणी ओतून स्वच धुवून घ्या .
७. कापड गच्चं पिळून गाणी काढून घ्या .

८. एका मोठ्या पसरत भांड्यात ४ पेले थंड पाणी घ्या . आता हे अर्धवट कोमट पिळलेले सुती  कापडातील मिश्रण थंड पाण्यात १ मिनिट कापडासहित बुडवून ठेवा .
९. पुनः एकदा पिळून घ्या .
१०. आता हे मिश्रण घट्ट झालेले असेल . त्याचा पनीर तयार होईल  . त्याला एकत्र करून चौकोनी आकार देऊन घ्या .

११. पुन्हा चौकोनी पनीर भोवती कापड गुंडाळून घ्या .
१२. त्यावर वजनाने जड, तळाशी पसरट वस्तू ठवून द्या . १० मिनिटांनी पनीर चैकोनी आकारात घट्ट बसेल .
13. त्याचे लहान काप करून घ्या .

१३. बाहेरच्या पनिरपेक्षा घरी केलेला पनीर मऊ आणि चवीला छान लागतो .
१४. फ्रिजमध्ये ठेवून पुढे ४ दिवस वापरता येतो .

टीप :
१. हे पनीर किसलेले लसूण न घालताही करता येते .
२. इतर आवडीचे फ्लेवर घालूनही हे पनीर बनवू शकता .
३. लसूण पनीर हा भाजी , बिर्याणीसारख्या तिखट पदार्थांसाठी वापरू शकता .
४. गोड पदार्थ बनवायचा असेल तर लसूण न घालता वरील प्रमाणे साधे पनीर बनवता येते .

~ अमृता .. 

बाकरवडी / Bakarwadi with step by step pictures

साहित्य :

२ कप मैदा 

२ मोठे चमचे छान डाळीचे पीठ (बेसन)

२ चमचे तेल 

चवीनुसार मीठ 

१/२ चमचा ओवा, १/२ चमचा जिरे  

१/२ चमचा लाल मिरची पावडर 

१/४ हळद  

सारणासाठी :

१ वाटी किसलेले सुके खोबरे 

१ चमचा आल्याची पेस्ट 

२ मोठे चमचे लसूण किसून 

४ मोठे चमचे बारीक शेव

१ मोठा चमचा तीळ 

१ मोठा चमचा बेसन 

१ छोटा चमचा बडीशेप 

चवीनुसार मीठ 

१ छोटा चमचा धने पूड / धने 

१ चमचा गरम मसाला 

१ चमचा लाल मिरची पावडर 

२ चमचे पिठी साखर 

बारीक चिरलेली कोथिंबीर  

१/२ लिंबाचा रस

कृती :

बाकरवडीच्या वरच्या आवरणाचे कणिक :

१. २ कप मैदा आणि २ मोठे चमचे बेसन कोरडे एकत्र करून घ्या .
२. त्यात चवीनुसार मीठ , १/२ चमचा ओवा, १/२ चमचा जिरे  ,१/२ चमचा लाल मिरची पावडर ,१/४ हळद घालून एकत्र करा .
३. २ मोठे चमचे कढलेले तेल घाला .
४. आवश्यक तितके पाणी घालून पीठ घट्ट मळून घ्या .
५. ओला कापडा झाकून ३० मिनिटे कणिक भाजू द्या .  

बाकरवडीचे सारण: 

१. १ वाटी  सुके खोबरे बारीक किसून घ्या . तव्यावर भाजून घ्या . 

२. १ मोठा चमचा बेसन  भाजून घ्या . 

३. १ मोठा चमचा तीळ  आणि १ छोटा चमचा बडीशेप भाजून घ्या .

४. वरील सर्व जिन्नस एकत्र करा .   

५. त्यात १ चमचा आल्याची पेस्ट, २ मोठे चमचे लसूण किसून घाला . 

६. ४ मोठे चमचे बारीक शेव  घाला . 

७. चवीनुसार मीठ,१ चमचा गरम मसाला,१ चमचा लाल मिरची पावडर ,२ चमचे पिठी साखर ,बारीक चिरलेली कोथिंबीर १/४ कप घाला . 

८. १ छोटा चमचा धने पूड / धने भाजून घाला . 

९. १/२ लिंबाचा रस घाला . 

१०. हे सर्व एकजीव करून किंचित चिकटपणा येईतोवर हाताने घट्ट दाबून मळा . 

बाकरवडी :

१. बिजलेल्या कणिकेचा मोठ्या लिंबाएवढा गोळा करून तो लांबट लाटून घ्या . 

२. त्यावर २ -३ थेम्ब पाणी पसरून वरचा भाग ओलसर करून घ्या. 

३. लाटलेल्या बाकरवडीच्या पानावर २ ते ३ मोठे चमचे सारण पसरून घ्या .

४. हाताने दाबून घट्ट बसवून घ्या . 

५. लाटलेल्या पानाचा घट्ट रोल करून घ्या . रोल सैल बसला तर तळताना सारण बाहेर येईल . 

६. रोलचे २ ते ३ सेन्टी मीटरचे काप करून घ्या . 

७. बाकरवडी पूर्ण बुडेल इतके तेल तळण्यासाठी  गरम करून घ्या . 

८. मंद आचेवर बाकरवडी सोनेरी रंग येइतोवर तळून घ्या . बाकरवडी मंद आचेवर तळली तरच कुरकुरीत होते अन्यथा वरचे आवरण मऊ पडते आणि आतील सारण कच्चे राहते . 

९. थंड झाल्यावर हवाबंद डब्यात ठेवाव्यात .  

~ अमृता ..