१ १/२ वाटी अखंड उडीद (काली दाल), १/२ वाटी राजमा
२ मोठे कांदे ,१ टोमॅटो , कोथिंबीर , आले लसूण पेस्ट
तेल , जिरे, हळद, गरम मसाला , साखर , मीठ , लाल तिखट
जिरे पावडर , धने पावडर
खडा मसाला : लवंग , दालचिनी , तमालपत्र
मिल्क क्रिम / गोडस दही २ मोठे चमचे , १ चमचा बटर
कृती
१. उडीद आणि राजमा एकत्र करून स्वच्छ धुवून साधारण ८ तास पाण्यामध्ये भिजवावा .
२. कुकरमध्ये ४ शिट्ट्या करून तो शिजवून घ्यावा .
३. कांदा आणि टोमॅटो बारीक चिरून मिक्सरमध्ये त्याची वेगवेगळी पेस्ट करून घ्यावी
४. एका मोठ्या भांड्यात फोडणीसाठी तेल गरम करावे
५. त्यात १ चमचा जिरे , खडा मसाला घालावा .
६. जिरे तडतडले की त्यात कांद्याची पेस्ट भाजून घ्यावी
७. ही पूर्ण भाजली कि त्यात टोमॅटो पेस्ट घालून भाजावी
८. टोमॅटोला तेल सुटे तोवर भाजून झाली की आले लसूण पेस्ट १ चमचा घालून मसाला भाजावा
९. त्यात १/२ चमचा हळद , १/२ चमचा धने पावडर , १/२ चमचा जिरे पावडर , १/२ चमचा गरम मसाला १ चमचा लाल तिखट , १/२ चमचा साखर, चवीप्रमाणे मीठ घालून भाजून घ्यावा .
१०. मसाला पूर्ण भाजला की त्यात कुकरमध्ये शिजवलेली डाळ आणि राजमा घालावा . कुकरमध्ये शिजताना घातलेले पाणी डाळीवर उरले असल्यास
ते फेकू नये . मसाला याच पाण्यात शिजवावा . चांगली चव येते . (अन्यथा १/२ कप गरम पाणी घालावे. )
११. हे मिश्रण मंद आचेवर ५ मिनिट शिजू द्या .
१२. त्यात मिल्क क्रिम / गोडस दही २ मोठे चमचे आणि १ चमचा बटर घालून हलवा .
१३. दाल मखनी मधील पूर्ण पाणी आटवून तिला फार कोरडी करू नये . तिच्या अंगाबरोबर पाणी शिल्लक ठेवावे कारण थंड होईल तशी ती पुन्हा घट्ट होत जाते
१४. गरम गरम दाल मखनी सर्व्ह करताना वरून थोडी बारीक कोथिंबीर चिरून घाला .
~ अमृता ...
No comments:
Post a Comment